Transcription
1
Reçue à Grenoble, le 11 mars 1573.
2
Monsieur, pour response à la lettre qu’il vous a pleu m’escrire du jour d’hier,
3
je vous direy quant à l’advis qu’il vous plaict me demander touchant
4
celuy que vous pourriés establir pour commander à Ambrun, que je vous
5
remercie très humblement de l’honneur qu’il vous plaict de me faire, et que
6
ce n’est la première obligation de laquelle je vous suys très redebvable ;
7
et puys qu’il vous plaict monsieur que je vous en die ce que j’en
8
pense, sy mon frère de Bon repoz voloit prandre ceste peyne, il me
9
semble qu’il seroit bien propre pour cest effaict. Je ne luy en ay
10
jamais parlé. S’il vous plaict monsieur, de l’entendre de luy et de
11
luy commander votre bonne volonté, je suys asseuré qu’il ne lexcedera
12
en chose quelconque ; et à son resfuz, monsieur, vous avés monsieur de
13
Rame ; lequel se contantera de tout ce qu’il vous plairra luy ordonner et
14
commander, ne voiant qu’il leur soyt aulcunement besoings de compaignie, attendu
15
qu’ilz sont tous catholiques, et qu’à toute heure ilz peuvent jecter des
16
païsans dans la ville qu’ilz font leur santinelles quant ilz en ont besoing
17
comme ilz ont jà faict. Je l’ay gardé de ceste facon durant leurs plus
18
grandz forces, mays ung peuple sans chef est bien aysé à s’estoner
19
comme il vous plairra veoir par leurs lettres qui sont à cest heure bien
20
honnestes lors qu’ilz ont besoing des gens lesquelz ilz oblient assés
21
aysement, comme vous avés peu cognoistre monsieur, par leurs dernières
22
actions. Je vous plairra de commander que leurdites lettres me soient
23
randues à votre première commodité car elles meritent bien d’estre gardéez
24
pour la confession qu’ilz font en icelles. Je pense monsieur que monsieur
25
le vibaly de Gap vous aura adverty que leurs voysins se doibvent
26esmouvoyr entre cy et Pasques et que quelques catholisés se [barré : revire ]
27
sortis hors de leur ville sans revenir. Je ne vous ferez plus
28
[286v°] long discours, si ce n’est pour me recommander très humblement à votre
29
bonne grace et prie Dieu,
30
monsieur, qu’il vous veulle donner en parfaicte sancté, longue et heureuse
31
vie. De Baiard, le XIe de mars mil VCLXXIII.
32
Votre très humble allié et serviteur
33
G. Davanson A[rcheveque] d’Ambrun.